فحش مواد دیکھنے سے چھٹکارا کیسے پائیں ؟

نشہ کسی بھی قسم کا ہو اس کا نتیجہ زندگی کی بربادی کی صورت میں نکلتا ہے اور کچھ یہی مال نئے زمانے میں فحش فلموں اور دیگر مواد کے نشے کا ہے۔
اگرچہ اکثر نوجوان یہ محسوس کرتے ہیں کہ وہ انٹرنیٹ اور دیگر ذرائع سے دستیاب فحش مواد کو دیکھنے سے کسی بھی طرح باز نہیں رہ سکتے لیکن اگر نیت سچی ہو تو آپ باآسانی اس لت سے چھٹکارا پاسکتے ہیں۔ اس لئے چند انتہائی مفید ہدایات پر عمل کریں:
1۔ پہلے تو یہ تسلیم کریں کہ اگر آپ آئے روز انٹرنیٹ استعمال کرتے ہوئے فحش مواد دیکھتے ہیں یا موبائل فون کو اس مقصد کیلئے استعمال کرتے ہیں تو آپ کو اس کی لت پڑچکی ہے اور اس سے نجات کیلئے عزم کرلیں۔
2 ۔اگلا کام یہ کریں کہ اپنے کمپیوٹر پر موجود تمام فحش مواد کو ڈیلیٹ کردیں اور براﺅزر میں موجود کنٹرولز کو استعمال کریں تاکہ آئندہ ایسی کوئی ویب سائٹ آپ کے سامنے نہ کھلے۔
3 ۔اپنی زندگی میں مثبت تبدیلیاں لائیں، جیسا کہ اچھے دوستوں کے قریب ہوں اور گھر والوں کے ساتھ زیادہ وقت گزاریں۔
4 ۔ایسی خوراک کا استعمال بڑھائیں جس میں کاربوہائیڈریٹ کی کثرت ہو۔
5 ۔باقاعدگی سے ورزش کریں اور کھیلوں میں حصہ لیں۔
6 ۔نیند اچھی طرح پوری کریں اور خصوصاً رات کو دیر تک جاگنا بالکل بند کردیں۔
7 ۔صبح جلدی اٹھیں اور نماز باقاعدگی سے پڑھیں۔
8 ۔تفریح کیلئے کمپیوٹر اور انٹرنیٹ استعمال کرنے کی بجائے اچھی کتابیں پڑھیں اور کوشش کریں کہ آپ انٹرنیٹ پر اپنا کام سب کے سامنے کریں۔
9 ۔مذہب کی طرف توجہ دیں اور اپنی سوچ کو مثبت اور صاف رکھنے کیلئے کوشاں رہیں۔
10 ۔منفی اور غیر اخلاقی سوچ والے دوستوں سے دور رہیں۔

Read more »

گندے میسج کس طرح صحت کو تباہ کرتے ہیں

 سمارٹ فون، لیپ ٹاپ اور دیگر آن لائن آلات آج کے دوران میں بہت ہی سہولت سمجھی جاتی ہیں اور ہر دوسرے شخص کے پاس یہ تمام آلات موجود ہوتے ہیں لیکن جیسا کہ کہا جاتا ہے کہ ہر شے کے فوائد اور نقصانات ہوتے ہیں۔ اگر ان آلات کا استعمال رابطے میں رہنے کے لئے کیاجائ

برطانوی یونیورسٹی نے حال ہی میں اس پر تحقیق کی ہے اور اس کے نتائج نے مغربی معاشرے کو جھنجھوڑ کررکھ دیا ہے۔ تحقیق کے مطابق نوجوان لڑکے اور لڑکیاں غیر اخلاقی میسج اور تصاویر شیئر کرتے ہیں تو ان کی دماغی صحت پر انتہائی خطرناک اثرات ہوتے ہیں۔ وہ اپنے خاندانوں اور دوستوں سے دور ہوتے جاتے ہیں اور ان کی شخصیت میں منفی خیالات حد سے زیادہ ہوجاتے ہیں جبکہ معاشرے میں ایک ایسا اخلاقی بگاڑ آتا ہے جو کہ مستقبل قریب میں تمام انسانوں کے لئے انتہائی خطرناک ثابت ہوں گے۔ مزید برآں جو نوجوان لڑکے اور لڑکیاں یہ تصاویر ایک دوسرے سے شیئر کرتے ہیں تو اکثر یہ احتمال ہوتا ہے کہ یہ تصاویر اکثر سماج دشمن گروہ مذموم مقصد کے لئے استعمال کرتے ہیں۔ تحقیق میں بتایا گیا ہے کہ گندے میسج کی وجہ سے نوجوان خود لذتی کا شکار ہوتے جاتے ہیں اور نتیجے کے طور پر ان کی جنسی زندگی تباہ ہونا شروع ہوجاتی ہے۔ جبکہ ذہنی طور پر یہ لوگ معاشرے میں ناصرف تنہائی کا شکار ہوجاتے ہیں بلکہ وہ ایک مثبت کردار ادا کرنے میں بھی ناکام ہوجاتے ہیں۔ تحقیق کاروں کا کہنا ہے کہ اگر موجودہ نسل کو اس طرح کی مکروہ حرکات سے نہ روکا گیا تو آنے والے دور میں معاشرہ مکمل تباہی کا شکار ہوسکتا ہے۔

ے تو یہ ایک اچھی بات ہے لیکن اگر ان آلات کو شیطانی خواہشات کی تکمیل اور جنسی لذت کے حصول میں ضائع کیا جائے تو ناصرف مالی طور پر نقصانات ہوتے ہیں بلکہ اس کے صحت پر انتہائی خطرناک اثرات بھی ہوتے ہیں۔

Read more »